Rex omnipotens die hodierna Mundo triumphali

Folio: 
144r
Sequence: 
2
Full text: 
Rex omnipotens die hodierna Mundo triumphali redempto potentia Victor ascendit caelos unde descenderat Nam quadraginta postquam surrexerat Diebus sacris confirmans pectora Apostolorum pacis cara relinquens oscula Quibus et dedit potestatem laxandi crimina Et misit eos in mundum baptizare cunctas animas In patris et filii et sancti spiritus clementia Et convescens praecepit eis ab Jerusalem Ne abirent sed exspectarent promissa munera Non post moltos enim dies mittam vobis spiritum paraclitum in terris Et eritis mihi testes in Jerusalem Judaea sive Samaria Et cum hoc dixisset videntibus iliis elevatus est et nubes clara Suscepit eum ab eorum oculis intuentibus illis aera Ecce stetere amicti duo viri in veste alba Iuxta dicentes quid admiramini caelorom alta Jesus enim qui assumptus est a vobis ad patris dexteram Ut ascendit ita veniet quaerens talenti commissi lucra O deus mare polum arva hominem quem creasti quem fraude subdola Hostis expulit paradiso et captivum secum traxit ad Tartara Sanguine proprio quem redemisti deus Illuc rediit unde primum corruit paradisi gaudia Judex dum veneris iudicare saeculum da nobis petimus sempiternam requiem in sanctorum patria In qua tibi cantemus alleluia
Office: 
MASS
Genre: 
Cantus ID: 
ah53066
Notes: 
AH 53, 66

List of concordances