Grates salvatori ac regi Christo Deo

Grates salvatori ac regi Christo Deo solvant Omnes insularum incolae Quem spectatum diu iam tenent Et leges eius mentibus captent promptulis Quos derelicto populo Delegit Iudaeo de Abrahae carne genito Et per fidem quos Abrahae Natos fecit et cognatos Suos sanctum per sanguinem O Christe consanguinee naturae nostrae nos fove Atque per divinam potentiam tuere Ab omni incursu inimici et insidiis Quem per carnis edulium Delusisti hamo tuae Maiestatis fili Dei Tu resurgens imperitas non moriturus amplius Tu mortalem nostram et terream naturam Resurgens incorruptivam fecisti atque caelis invexisti