Ave praeclara maris stella in lucem

Folio: 
350r
Sequence: 
1
Full text: 
Ave praeclara maris stella in lucem gentium Maria divinitus orta Auge dei porta quae non aperta veritatis lumen ipsum solum justitiae indutum carne dulcis in orbem Virgo decus mundi regina caeli praelelecta ut sol pulchra lunaris ut fulgur agnosce omnes te deligentes Te plenam fide virgam alme stirpis Jesse nascituram priores desideraverunt patres et prophetae Te lignum vitae sancto rorante pneumate parituram divini floris amigdalum signavit Gabriel Tu agnum regem terrae dominatorem Moabitici de petra deserti ad montem filiae Sion transduxisti Tuque furentem Leviathan serpentem tortuosumque et vectem collidens damnoso crimine mundum exemisti Hinc gentium nos reliquiae tuae sub cultu memoriae mirum in modum que es enixa propitiationis agnum regnantem caelo aeternaliter devocamus ad aram mactandum misterialiter Hinc manna verum Israelitis veris veri Abrahae filiis admirantibus quondam Moysi quod rubus figurabat jam nunc abducto velo datur persici ora virgo nos illo pane caeli dignos effici Fac fontem dulcem quem in deserto petra praemonstravit degustare cum sincera fide renesque constringi lotos in mari anguem aeneum in cruce speculari Fac igni sancto patrisque verbo quod rubus ut flamma tu portasti virgo mater facta pecuali pelle discinctos pede mundis labiis cordeque propinquare Audi nos nam te filius nihil negans honorat Salva nos Iesu pro quibus mater virgo te orat Fac fontem boni visere da purae mentis oculos in te defigere Quo haustu sapientiae saporem vitae valeat mens intellegere Christianismi fidem operibus redimire beatoque fine ex huius incolatu saeculi auctor ad te transire
Office: 
MASS
Genre: 
Cantus ID: 
ah50241
Rubrics: 
Item alia

List of concordances