Summi triumphum regis prosequamur laude Qui

Folio: 
339r
Sequence: 
1
Full text: 
Summi triumphum regis prosequamur laude Qui caeli qui terrae regit sceptra inferni iure domito Qui sese pro nobis redimentis permagnum dedit pretium Huic nomen exstat conveniens Idithun Nam transilivit omnes strenue montes colliculosque Bethel Saltum de caelo dedit in virginalem ventrem inde in pelagus saeculi Postquam illud suo mitigavit potentatu taetras Phlegetontis assiliit tenebras Principis illius disturbato imperio Maniplis plurimis inde erutis mundum illustrat suo iubare Captivitatemque detentam inibi victor duxit secum Et redivivum iam suis se praebuit servis et amicis Denique Saltum dederat hodie maximum Nubes polosque cursu perpeti transvolans Celebret Ergo populus hunc diem credulus Cuius morbida Idithun corpora In semetipso altis sedibus caeli invexit Dei filius Et tremens iudicem expectet adfuturum ut duo angeli fratres docuerunt Qui Jesus a vobis assumptus est in caelum iterum veniet ut vidistis eum Iam Idithun nostrum vocibus sedulis omnes imploremus Ut a dextris patris qui sedet spiritum mittat nobis sanctum In finem saeculi ipse quoque semper Sit nobiscum
Office: 
MASS
Genre: 
Cantus ID: 
ah53067
Rubrics: 
Item alia

List of concordances