Folio:
363r
Sequence:
2
Full text:
In celesti gerarchia nova sonet armonia novo ducta cantico Cui concordet in hac via nostri chori melodia Congaudens Dominico Ex Aegypto vastitatis Virum suae voluntatis Vocat auctor saeculi In fiscella paupertatis Flumen transit vanitatis Pro salute populi In figura catuli Praedicator saeculi Matri praemonstratur Portans ore faculam Ad amoris regulam Populos hortatur Hic est novus legis lator Hic Elias aemulator Et detestans crimina Vulpes dissipat Samsonis Et in tuba Gedeonis Hostis fugat agmina A defunctis revocatum Matri vivum reddit natum Vivens adhuc corpore Signo crucis imber cedit Turba fratrum panem edit Missum Dei munere Felix per quem gaudia Tota iam ecclesia Sumens exaltatur Orbem replet semine In caelorum agmine Tandem collocatur Iacet granum occultatum Sidus latet obumbratum Sed plasmator omnium Ossa Ioseph pullulare Sidus iubet radiare In salutem gentium O quam probat carnis florem Omnem superans odorem Tumuli fragrantia Aegri currunt et curantur Caeci claudi reparantur Virtutum frequentia Laudes ergo Dominico Personemus mirifico Voce plena Clama petens suffragia Eius sequens vestigia Plebs egena Sed tu pater pie bone Pastor gregis et patrone Prece semper sedula Apud curam summi regis Derelicti vices gregis Commenda per saecula
Office:
MASS
Genre:
Cantus ID:
ah55115
Rubrics:
De sancto Dominico. padre (?) praedicatorum