Decantemus congaudentes Pretiosam recolentes Angelorum gloriam

Decantemus congaudentes Pretiosam recolentes Angelorum gloriam Qui virtute deitatis Intuentur trinitatis Unicam substantiam Super omnem creaturam Rector fecit hanc naturam Rerum ab excordio Legislator ut narravit Hi sunt caeli quos creavit Deus in principio Hi ministrant deitati Astant trinae unitati Famulantes iugiter Pias laudes depromentes Omnes Deo decantantes Sanctus Sanctus pariter Inter quorum hymnos primus Est ad caelos per quem imus Michael archangelus Per quem ab Aegypto motus Ad promissam terram totus Pergit Dei populus Qui in templo sancto Dei Sub figura sacrae rei Iuxta aram cerneris Stans incensum habens multum Vapor huius hic ad vultum Arcae novi foederis Sed ut tecta detegantur Et in lucem producantur Haec sacra mysteria Templum sanctum plebs est Christi Ara iuxta quam fecisti Cordis conscientia Aurum in quo sunt incensa Mens est prudens et succensa Per divinum spiritum Scandens fumus incensorum Piae preces sunt iustorum Quos fers ante Dominum Servus agens cuius ore Rapis praedam fit honore Insignitus gemino Plebis Christi cor et sensum Templum aram et incensum Offers totum Domino Ergo signifer polorum Pie princeps angelorum Duc ad caeli gaudia Nos devote celebrantes Pias laudes et psallentes Tua patrocinia