Ave Maria gratia plena dominus tecum

Folio: 
001r
Sequence: 
2
Full text: 
Ave Maria gratia plena dominus tecum virgo serena Benedicta tu in mulieribus que peperisti pacem hominibus et angelis gloriam Et benedictus fructus ventris tui qui coheredes ut essemus sui nos fecit per gratiam Per hoc autem ave mundo tam suave contra carnis jura Genuisti prolem novum stella solem nova genitura Tu parvi et magni Leonis et agni Salvatoris Christi templum extitisti sed virgo intacta Tu floris et roris panis et pastoris virginum regina rosa sine spina genitrix es facta Tu civitas regis justicie tu mater es misericordie de lacu faecis et miseriae Theophilum reformans gratie Te collaudat celestis curia tu mater es regis et filia per te reis confertur venia per te justis donatur venia per te iustis confertur gratia Ergo maris stella verbi dei cella et solis aurora Paradisi porta per quam lux est orta natum tuum ora Ut nos solvat a peccatis et in regno claritatis quo lux lucet sedula collocet per [secula]
Feast: 
Office: 
MASS
Genre: 
Cantus ID: 
ah54216
Rubrics: 
Item alia

List of concordances